ನನಗ್ಗೊತ್ತು....ಆದರೂ..


-----------------------

ನಾ ಬಲ್ಲೆ... ನೀ ಹೇಳುತಿರುವುದೆಲ್ಲ ಸುಳ್ಳು

ಆ ಸುಳ್ಳನೇ ನಂಬುವಾಸೆ...

ನಾ ಬಲ್ಲೆ.... ನಿನಲಿರುವುದೆಲ್ಲ ವಿತಂಡವಾದ

ಆ ವಾದಕೇ ಸೋಲುವಾಸೆ..

ನಾ ಬಲ್ಲೆ... ನೀ ಹಂಚುವುದೆಲ್ಲ ನಿನ್ನೊಳಗ ನೋವೇ

ಆ ನೋವಿಗೇ ಒಡ್ಡಿಕೊಳುವಾಸೆ..

ನಾ ಬಲ್ಲೆ... ನೀ ನನ್ನ ಕಾಣಬಯಸದಿರುವೆ...

ಮರೆಯಿಂದಲೇ ನಿನ್ನ ನೋಡುವಾಸೆ...

ನಾ ಬಲ್ಲೆ... ನಿನಲಿಲ್ಲದಿರುವುದೆನ್ನೆಡೆಗೆ ಒಲವೇ...

ಇಲ್ಲದ್ದಕೇ ನನ ಪ್ರೀತಿಬಳ್ಳಿ ಹಬ್ಬಿಸುವಾಸೆ..

ನಾ ಬಲ್ಲೆ.. ನೀನೆಲ್ಲವ ಮುಗಿಸಬಯಸಿರುವೆ

ಆ ಬಯಕೆಯಲೊಂದು ಜಾಗ ಪಡೆವಾಸೆ....

ನಾ ಬಲ್ಲೆ... ನೀ ಕೊನೆಗೆ ಕಾಯುತಿರುವೆ..

ಆ ಕೊನೆಯಲೂ ನಿನ್ನ ಬುಡದಲಿರುವಾಸೆ...



ಆಸೆಗಳಿಲ್ಲದ ನಿನ್ನ ಪ್ರೇಮಿಸುತಿರುವೆ....ಹಾಗಾಗಿ

ಶುರುವಿಂದ ಕೊನೆವರೆಗೆ ಜೀವಂತವಾಗುಳಿವಾಸೆ...