ಅದುರಿ ಉದುರಿ ಬಿತ್ತು ಮಾತೊಂದು,


ಮುತ್ತಾಗಲು, ಸೊತ್ತಾಗಲು ಹೊರಟಿತ್ತು,

ಆದದ್ದು ಬಾಣ...ಚುಚ್ಚಿತು.



ಎದ್ದು ಬಿದ್ದು ಮೂಡಿತ್ತು ನಗುವೊಂದು,

ಛಾಪಾಗಲು, ಚೆಲುವಾಗಲು ಹೊರಟಿತ್ತು,

ಆದದ್ದು ಜೊಳ್ಳು....ಹೊರತಳ್ಳಲ್ಪಟ್ಟಿತು



ಕಾದು ಕದ್ದು ಹುಟ್ಟಿತ್ತು ನೋಟವೊಂದು,

ಪ್ರೀತಿಯಾಗಲು, ಭಕ್ತಿಯಾಗಲು ಹೊರಟಿತ್ತು,

ಆದದ್ದು ಸುಳ್ಳು...ನಗಣ್ಯವಾಯಿತು



ಮಾತ ಹಿಂದೆ ಸತ್ಯ, ನಗುವ ಹಿಂದೆ ತೃಪ್ತಿ

ನೋಟದ ಹಿಂದೆ ನಂಬಿಕೆಯಿರದೆ,

ಅವು ಅವಾಗಲಿಲ್ಲ, ಎಲ್ಲೂ ಸಲ್ಲಲಿಲ್ಲ.