Friday, October 14, 2016

(ಎಚ್ಚರ - ಮೊಣಕಾಲು - ಗುಡ್ಡ- ಗೊತ್ತಿದ್ದೇ)



ಗೊತ್ತಿದ್ದೂ ಮತ್ತಲ್ಲಿಗೇ
ರಾತ್ರಿಯಲೂ ಸ್ಪಷ್ಟ ಕಾಣುವ ಬಾವಿಯ ಬಳಿಗೇ,
ಹಚ್ಚಹಗಲಲಿ ಚಲಿಸುವ ಪಾದ ಎಡವಿದ್ದೋ
ಹಾದಿಯ ಸುಳ್ಳುಪಳ್ಳು ಮುಳ್ಳಾಗಿ ಕಾಲ್ತೊಡರಿದ್ದೋ,
ಮುಗ್ಗರಿಸಿದ ಶಬ್ದಕೆಲ್ಲವೂ ಬೆಚ್ಚಿಬಿದ್ದಿವೆ!
ಎಲೆ ಪ್ರೀತಿಸುವ ಮನಗಳೇ,
ಹತ್ತಿಸುತ್ತಾರೆ ಗುಡ್ಡ ಮಾತಿನೇಣೀಯಲೇ,
"ನೀನೇ ಇಂದ್ರ ನೀನೇ ಚಂದ್ರ!"
ತಿರುಕನ ಜೋಳಿಗೆಯಲೂ
ಚಿನ್ನದ ಗಣಿಯ ವಿಳಾಸ ತೋರಿಸುತಾರೆ!
ಎಚ್ಚರ ಮೈಮರೆಯುವ ಮನಸುಗಳೇ,
ಪಾಪಿ ಹೋದಲ್ಲಷ್ಟೇ ಅಲ್ಲ;
ತೀರಾ ನಂಬುವವರು ಹೋದಲ್ಲೂ
ಮೊಣಕಾಲುದ್ದ ನೀರೇ ಇರುವುದು...
ಗೊತ್ತಿದ್ದೇ ಮತ್ತೆಮತ್ತೆ ಬೀಳದಿರಿ
ನಂಬಿಸುವ ಮಾತಿನ ಹೊಂಡಕೆ.
ತಿಳಿದವರು ಹೇಳಿದ್ದಾರೆ,
ಪರಾಂಬರಿಸಿ ನೋಡಬೇಕು
ಕಂಡರೂ ಕಣ್ಣಾರೆ, ಕೇಳಿಯೂ ಕಿವಿಯಾರೆ..


No comments:

Post a Comment