Monday, September 2, 2013

**

ಹೊರಗಣ್ಣ ಬೆಂಬತ್ತಿದ ನಡಿಗೆ
ಸೋತು ಕೂತ ಮನಸು
ಎಲ್ಲೂ ಏನೂ ತಾಳೆಯಾಗದೆ
ಮನಸು ತುಂಬಾ ಮುನಿಸು.
ಒಳಗವೆಷ್ಟೋ ಬಿಚ್ಚುಕಂಗಳಿವೆ
ಕಾಲ ಸರಿದಷ್ಟೂ ಚುರುಕಾಗುತಿವೆ
ತೋರಿ, ಕಾಣಿಸುವ ಆಮಿಷವೊಡ್ಡಿವೆ.
ಅಲ್ಲಿ ಮನಸಿನ ಕಾಲ್ಮುರಿದ ಬವಣೆ
ಕ್ಷಣಕೊಂದು ಹೊಸ ನೆಪನಮೂನೆ
ಮೈಮನಸು ಕನಸೆಲ್ಲ ಇಲ್ಲೇ ಬಿಟ್ಟು
ಕೈಗೂಡದ ನಮ್ಮ ಮಿಲನದಾಸೆಯುಟ್ಟು
ಹೋಗಿಬರೋಣವೇ ಒಲವೇ
ಒಂದೇ ಒಂದುಸಲ ಆ ನೆಲಕೆ?
ನನ್ನ ನಾನೆನಿಸಿದ ನಿನ್ನ ನೀನೆನಿಸಿದ
ಆ ಅವೆಲ್ಲವೂ ಕಾಣೆಯಾಗುವ ತಾಣಕೆ?
ನಾ ನೀನೇ ನೀ ನಾನೇ
ಅನಿಸುವ ದರ್ಪಣವಿದೆಯಂತೆ.
ಮೆಚ್ಚಿದ್ದು ಮೆಚ್ಚದ್ದೆಲ್ಲ ಅಪ್ರಯತ್ನ
ಸವಿಯೆನಿಸುವ ದರ್ಶನವಿದೆಯಂತೆ.

1 comment:

  1. ಒಳಗಣ್ಣುಗಳನೇಕ ನಿಜವಾದ ಮಾತು.

    ReplyDelete