Thursday, January 3, 2013

ಹೀಗಿರಲಿ ಗೂಡು.


---------------------
ದಾಂಧಲೆಕೋರ ಗಿಡುಗ,

ಸುಮ್ಮನೆ ಹೋಗಲಿಲ್ಲ.

ಗುಬ್ಬಿಮರಿ ಕಚ್ಚಿಕೊಂಡೇ ಹೋಯಿತು..

ಗೂಡು, ಮೆತ್ತೆ, ಎಲ್ಲ ಮುತುವರ್ಜಿಯಿತ್ತು

ಇದ್ದು ಇಲ್ಲದಂತಿರುವ ವಿದ್ಯೆಯಿರಲಿಲ್ಲ

ನಾ-ನೀನೆನುತ ಚಿವ್ ಗುಟ್ಟಿದ್ದೇ...

ಮಾತಲ್ಲ, ಮೃತ್ಯು...

ಗುಟುಕಿಗೆ ತೆರೆದ ಬಾಯಿ ಸದ್ದಲ್ಲದ್ದಿ,

ಇರುವು ಬಯಲಾಗಿ, ತೆರವು ಬಾಳು ..



ಪ್ರೀತಿಯೊಂದು ಗುಬ್ಬಚ್ಚಿ.

ಎದೆಗೂಡೊಳಗೆ ಬೆಚ್ಚಗಿತ್ತು.

ನೋವು ಅದರುಸಿರು,

ಕಂಬನಿ ನರನಾಡಿಯ ರಕ್ತ.

ಕಣಕು, ಹನಿಗು ಲೆಕ್ಕ ಕೇಳಿ,

ನಂದು ನಿಂದೆಂತು... ಸದ್ದೇ ತಾನಾಗಿ.

ಕಾಲ ಕಾಯುತಿತ್ತು ಗಿಡುಗನಾಗಿ,

ಸುತ್ತಿಸುತ್ತಿ ಸಾಗಿ ಬಳಿ

ಹಿಡಿತ ಕೊರಳೊತ್ತಿತು..ಈಗ

ಉಸಿರಿಲ್ಲ, ನಾಡಿಯಿಲ್ಲ, ಪ್ರೀತಿ ಸತ್ತಿತು.



ಗೂಡಿನೊಡೆಯಾ,

ಭದ್ರ ಗೂಡೊಳಗಿರಲಿ

ಮೌನದ ನಡುವಿರಲಿ. ಮೃದುವಾದುದು..

ಸದ್ದಲಿ, ಜಿದ್ದಲಿ ಬಯಲಾದೀತು

ಹೊರಗು ನಲುಗಿಸೀತು,

ಅರಿವಿಲ್ಲದೆ ಅದೇ ಇಲ್ಲವಾದೀತು....







No comments:

Post a Comment