Wednesday, January 16, 2013

ಇತ್ತ ನೋಡೊಮ್ಮೆ..


------------------

ಮರೆಯಾಗೋ ದಿಶೆಯಲೇಕೆ ನಡೆ ಒಲವೇ?

ಮುಖ ಮಾಡಿ ನಡೆವುದಷ್ಟು ಜಟಿಲವೇ?

ನಾ ಶಾಖವಲ್ಲ, ನೀ ಮಂಜಲ್ಲ.

ನಾ ಹಗಲಲ್ಲ, ನೀ ತಾರೆಯಲ್ಲ.



ಊರಿದ ಹೆಜ್ಜೆಯಡಿಯ ಕುಳಿ ನೋಡು,

ಆಳ ಹೇಳುತಿದೆ ಭಾರವದೆಂದು.

ಎದ್ದ ಧೂಳ ಕಣಕಣವೂ ನೋಡು,

ಕಣ್ತುಂಬಿ ತುಳುಕಿಸಿದೆ ನೋವು.



ಇತ್ತ ನೋಡೊಮ್ಮೆ, ನಾ ಕಣ್ಮರೆ

ನೇಪಥ್ಯಕೊಪ್ಪಿಯೇ ಸರಿದಿರುವೆ

ನಡೆಯುತಿರು, ದಾರಿ ತೋರುತಿರು

ಊನವಕ್ರಗಳ ನೇರಗೊಳಿಸುತಿರು.



ನಾ ಚಿಗಿತಂತೆ ಇನ್ನಷ್ಟು ಚಿಗುರಲಿ

ನೀ ಮೊಳೆಸುವಾತ ಮುನ್ನೋಟವಿರಲಿ.

ನೀನುಳಿದು ನನ್ನೊಳಗೆ, ನಾನಿಲ್ಲದಿರುವೆ

ನಿನ್ನೆದೆ ಬಡಿತದೆಡೆ ನಿಶ್ಯಬ್ಧವಾಗಿರುವೆ.

2 comments: