Tuesday, June 11, 2013

ಊರಿಗೆ ಬೆಂಕಿ ಬಿದ್ದಾಗ ಬಾವಿಯ ಹುಡುಕಾಟ


ಗಾಳಿಗಿಂತ ಹಗುರ ಮತ್ತು ಕಲ್ಲಿಗಿಂತ ಭಾರ
ಹೂವಿನಂತೆ ಸೊಗಸು ಮತ್ತು ಮುಳ್ಳಿನಂತೆ ಚೂಪು
ಭೂಮಿಯಂತೆ ಮೌನ ಮತ್ತು ಗುಡುಗಿನಂತೆ ಜೋರು

ಒಮ್ಮೊಮ್ಮೆ ಪ್ರತ್ಯಕ್ಷ ಮತ್ತೊಮ್ಮೆ ಅಡಗಿದಂತೆ
ಒಮ್ಮೊಮ್ಮೆ ಅರ್ಪಣೆ ಒಮ್ಮೊಮ್ಮೆ ಹೀರುವಂತೆ
ಒಮ್ಮೊಮ್ಮೆ ಉತ್ಕರ್ಷ ಒಮ್ಮೊಮ್ಮೆ ಪಾತಾಳಮುಖಿ

ಅವಲಂಬನೆಯ ನೆರಳೇ ನಿರಾಕರಣೆಯಾದಂತೆ
ಅನುನಯದ ದನಿಯೇ ಆಪಾದನೆಯೆಂಬಂತೆ
ಸಾಮೀಪ್ಯ ಬಯಸುವ ವಿಮುಖತೆಯಂತೆ

ಬರೀ ಗೋಜಲಾಗಿರುವದರ ಬೆನ್ನಟ್ಟಿ
ಇಲ್ಲಿಯವರೆಗೂ ಬಂದಾಯ್ತು,
ಮುಟ್ಟಿದ ಭ್ರಮೆಗೆ ನೈವೇದ್ಯವಾಗಿದ್ದಾಯ್ತು..

ಈಗೊಂದು ಪ್ರಶ್ನೆ..
ನಾ ಬೆನ್ನಟ್ಟಿದ್ದೇನನ್ನು,
ನನ್ನ ಮುನ್ನಡೆಸಿದ್ದೇನು,
ಮುಟ್ಟಿದ್ದೇ ಹೌದಾದರೂ, ಅಲ್ಲವಾದರೂ
ತಾಕಿದ ನಿಜವೇನು???

1 comment:

  1. ತುಂಬಾ ಗಾಢವಾದ ಪರಿಣಾಮ ಬೀರಿದ ಸಾಲುಗಳು:
    ಒಮ್ಮೊಮ್ಮೆ ಪ್ರತ್ಯಕ್ಷ ಮತ್ತೊಮ್ಮೆ ಅಡಗಿದಂತೆ
    ಒಮ್ಮೊಮ್ಮೆ ಅರ್ಪಣೆ ಒಮ್ಮೊಮ್ಮೆ ಹೀರುವಂತೆ
    ಒಮ್ಮೊಮ್ಮೆ ಉತ್ಕರ್ಷ ಒಮ್ಮೊಮ್ಮೆ ಪಾತಾಳಮುಖಿ

    ReplyDelete