ಹೂವಂತಿರದ ಹೂವು

ನೇರ ನೆಲದಿಂದುದಿಸಿದದ ಬರೀ ಬಿಳಿ ನಿರ್ಗಂಧಪುಷ್ಪ ನಾನು
ಕಾಂಡ ಎಲೆ ಕೊಂಬೆ ತೊಟ್ಟುಗಳ ಬಲವಿಲ್ಲ
ಬಣ್ಣವಷ್ಟೂ ಇದ್ದರೂ ತೋರುವ ಪರಿಯರಿತಿಲ್ಲ
ದಪ್ಪ ಒರಟು ಪಕಳೆ, ಮೃದು ಸೆಳೆತವಿಲ್ಲ
ಹಾಂ...ಎದೆಯಷ್ಟೇ ಕೆಂಪಿದೆ, ಸೆಳೆವ ನಯನಾಜೂಕಿಲ್ಲ..
ಅರಳಿದ್ದಷ್ಟೇ ಗೊತ್ತು, ಮೊಗ್ಗಾಗಿರಲಿಲ್ಲ,
ಮುದುಡುವುದೂ ಗೊತ್ತಿಲ್ಲ...
ಇನ್ನೇನಿದ್ದರೂ ಉಳಿದರೆ ನೇರ‍ ಒದಗುವುದು,
ಒದಗುವುದು, ಮತ್ತೊದಗುವುದು...
ಇದಷ್ಟೇ ಗೊತ್ತಿರುವ ,
ದುಂಬಿ ಕಾಡದ, ಹೆಣ್ಣು ನೋಡದ
ಚೆಲುವಾಗದ, ಮಾಲೆ ಸೇರದ,
ಹಾಡಾಗದ ಪಾಡು..
ಹೆಸರಿಗಷ್ಟೇ ಪುಷ್ಪ ನಾನು