ಗಾಳಿ ಬೀಸಿದ್ದೇನೋ ನಿಜ, ಆದರೆ
ಬೀಳಿಸಿದ್ದು ನೀನೇ ಎಂಬಂತಿತ್ತು
ಹಸಿರು ಹಳದಿಯಾದದ್ದೇನೋ ನಿಜ, ಅದರೆ
ಉಸಿರೆನಿಸಿದ್ದಿಂದು ಹೊರೆಯಾದಂತಿತ್ತು
-------------------------------------------------
ಭಾವವೆಲ್ಲಿ ಭಾರವಿತ್ತು?! ಅಂತಃಕರಣ ಬಿಟ್ಟೇನಿರಲಿಲ್ಲ.
ಅನುವಾಗಿ ತಲುಪಿದೆಡೆ ಸರಿಯಿರಲಿಲ್ಲ,
ಭರ್ತಿಯಾಗಿದ್ದು ಅಲ್ಲಿ ಅಣುವಿಗೂ ಜಾಗವಿರಲಿಲ್ಲ....
------------------------------------
ಎಲ್ಲೂ ಎಡವಲಿಲ್ಲ, ಬೀಳಲಿಲ್ಲ, ಏನೂ ತಾಗಲಿಲ್ಲ
ಗಾಯ ಮಾತ್ರ ಎರಡೂ ಕಡೆ ಮೂಡಿದೆ
ಅಲ್ಲಿಯ ಮುಲಾಮು ಇಲ್ಲಿ, ಇಲ್ಲಿಯದು ಅಲ್ಲಿ.
ಹಚ್ಚುವ ಕೈಗಳಷ್ಟೆ ಮುನಿಸಿಕೊಂಡು ಕೂತಿವೆ
---------------------------