Thursday, June 6, 2013

ಕೂಗಬೇಡವೇ ಹಕ್ಕಿ

ಅತಂತ್ರ ಬಾಳನೋವೇ, ಹೋದಾತನ ವಿರಹವೇ
ಮರಿ ಸತ್ತ ಶೋಕವೇ, ಗೂಡು ಬಿದ್ದ ತಾಪವೇ
ಕೋಪವೇ, ಅಪಾದನೆಯೇ, ನಿವೇದನೆಯೇ,
ಯಾವುದೂ ಅಲ್ಲದೊಂದು ಬರೀ ವೇದನೆಯೇ...

ಕೂಗಬೇಡವೇ ತಂತಿ ಮೇಲಿನ ಒಂಟಿ ಹಕ್ಕಿ

ಲೋಕವ್ಯಾಪಾರದ ಅಸಂಖ್ಯ ದನಿಗಳಿಣುಕದೆ ಹಾಯ್ವ
ಈ ಕಿವಿಯೊಳಗಿನೊಳಗನೂ ಇರಿಯುತಿದೆ ದನಿ..
ಕೊರತೆ ಯಾವುದೂ ಘಾಸಿ ಮಾಡದ ಮನದೊಂದು ಭಾಗವ
ಅದೆಲ್ಲಿಯದೋ ತೋರ್ಬೆರಳೊಂದು ಕಿರುತುದಿಯಿರಿದಂತೆ.







No comments:

Post a Comment